Wednesday, May 18, 2011

වෙරි ඉකොනොමිකල් වෙසක් කූඩුවක් හදමුද?

ලමයිනේ දැන් වෙලාව රෑ 12:53. අද වෙසක් නේ. අනික මේක ඇවිල්ලා අනුන්ගේ ඩොන්ගල් එකක්. මොකෑ මට නැත්තං ගෙදට්ට ඩොන්ගල් නෑ නෙව. දඩි බිඩියේ කියන්ට ලෑස්තිය, වෙරි ඉකොනොමිකල් වෙසක් කූඩුවක් (කූඩුවක් කෙසේ වෙතත් බකට් එකක් වගේ එකක්) හදන හැටි ගැන. මේ ක්‍රමවේදය මට හම්බ වුනේ පුරාණ පුස් කොල පොතක් තිබිලා හරිය. :-)

මේ ටිකේම එක එක දිහාවේ කූඩු හදන්න ගිහිං හිටපු නිසා අම්මා දෝස් මුරේ දැම්මා මෙන්න මෙහෙම. “උඹ ගෙදර ලොකු එකා වෙච්චි, අපි බවුද්ද වෙච්චි, පංසලේ සාදුට නායක් පදවියක් හම්බුනා වෙච්චි, මේ 2600 වෙච්චි, උඹ අතන මෙතන පාරවල් පාරවල් ගානේ ගිහින් අනුන්ගේ කූඩු හදන්නේ ගෙදරට බකට් කෑල්ලක් වත් එල්ලන්නේ නැතැ....“ ;-)

අද උදේ පාන්දර ම මම නැගිටින කොට වෙලාව එකොලහ හමාරයි. ටක් ගාලා මම ලෑස්ති වුනේ වෙසක් කූඩුවක් හදන්න. හත්වලාමයි අද නෙව වෙසක්. සෑහෙන්න කඩවලුත් වහලා ඇති මයේ හිතේ. වෙසක් කූඩුවකට බඩු ගෙන්න විදිහකුත් නෑ. යන්නත් කම්මැලියි.  ඒ නිසා මම හිතුවා පුංචි කාලේ ඉස්කෝලෙදී අත්වැඩ කලා වගේ “ගෙවත්තෙන් සොයා ගන්ට පුළුවන් අපතේ යන දේවල්“ වලින් කූඩු කෑල්ලක් හදන්න. ගෙවත්තෙන් කිව්වට ගේ ඇතුලෙන් තමා ඔක්කෝම හොයා ගත්තේ.

එහෙනං නමෝ විත්තියෙන් සාදු කියලා වැඩේ පටං ගමු...

අවශ්‍ය දෑ:
1) පාන් පිට් ස්වල්පයක් (ගන්න හේතුව : පාප්ප හදන්න)


02) කට කැඩිච්ච පීරිසියක් හෝ කුඩා භාජනයක් (ගන්න හේතුව : පාප්ප දියකර ගන්න.)


03) කුඩා දර කෝට්ටක්. (ගන්න හේතුව : පාප්පේ හොඳ පදමට අනා ගන්න)


04) කතුරක් (ගන්න හේතුව : කොල කපා ගන්න)


05) හොඳ අළුත් පොල් මුඩඩක් (ගන්න හේතුව : ඒකෙන් තමා පාප්ප ගාන්නේ. නැත්තං නාන්න වෙනව)


06) පරණ කාඩ් බෝඩ් පෙට්ටියක් (ගන්න හේතුව : කූඩුව හයියට තියා ගන්න)


07) මහේල ඉන්න පරණ ඉංගිරිසි පත්තරයක් (ගන්න හේතුව : ඒවැයින් තමයි කූඩුව හදන්නේ)


08) අම්මෙක්, නංගියෙක්, අක්කෙක් හෝ බාරියාවක් (ගන්න හේතුව : තේ එකක් කාරිය හදා ගන්න සහ අන්තිමේ අස් පස් කරන්න)

දැන් හදන විදිහ හරිය:

ඉස්ටෙප් වන්) : මුලින්ම පත්තරේ ලොකු කොලේ තියෙන විදිහටම දෙකට නමා ගන්න. පිටු දෙක එක උඩ එක එන විදිහට. නමල හිටං පහල පිංතූරේ තියෙන්නා වාගේ තුන් හුලස් වෙන්න එක තැනකිං හරි කිහිප පොලකින් හරි නමා ගන්න. මේ සාම්පල් එකකි. ඇත්ත පත්තරේ නෙමෙයිය. ;-)


ඉස්ටෙප් ටූ) : එකොල්ලා හිටං අර කතුර අරගෙන තීරු තීරු කෙලිං අතට හරි ඇලේට හරි මෙහෙම මෙහෙම ඒ තුන් හුලස් කෑල්ල කපා ගන්න. හරිය පැහැදිලියිනේ. කපා ගන්න ඉට්ටැයිල් එක අනුව කූඩුවේ ෆිනිෂිං වෙනස් වේ.

ඉස්ටෙප් ත්‍රී) : කපා ගෙන හිටං අර කාඩ් බෝඩ් එකෙනුත් තීරුවක් කපා ගෙන රවුමට තියලා පාප්ප වලින් අලව ගන්න. (මල හුට්ටප්පරයයි, පාප්ප හදන කෑල්ල කියන්න බැරි වුනා නෙව) ඇලවෙනවා හොරයි වගේ නං ඉස්ටේපර් කටු දෙකක් තලා ගන්ට. (එව්වා මුලින් ගන්නයි කිව්වේ නෑ කියලා අඩව් අල්ලනවා නෙමෙයි ඕං)

මේ න් මේ වගේ මොඩල් එක හරිය. ඩිංගිත්තක් ඇද වුනාට කාරි නෑ.


*******
දැං ඉන්ට්බල් එහෙම නැත්තං. තේ විවේකේ ලබනවා ඈ. දැං අම්මට හරි නංගිට හරි අක්කට හරි බාරියාවට හරි කියලා හොඳවැයිං පිටි සීනා දාපු තේකක් හදං බොන්ට.  ටැං ටැං ටැං ඉන්ටිබල් අහවරයි. බැක් ටු වර්ක්.
*******
ඉස්ටෙප් ෆෝ) : එකොල්ලං හිටං අර පත්තරේ කපාපු රැලි හරහට හිට්න්න එක කෙලෝරක් කාඩ් බෝඩ් රවුම වටේ අලෝ ගන්න පාප්ප ගාලා. ඒ... අතේ පයේ පාප්ප ගාගන්න එපා බොල. අර පොල්මුඩ්ඩ ගත්තේ එකට නෙව.මේ ඩිස්ප්ලේ එකේ පෙන්නලා තියෙන්නේ තුන් හුලස් සැට් තුනකට හිට්න්න කපා ගත්ත පත්තර කෑල්ල අලෝපු හැටි ය.


ඉස්ටෙප් ෆයිව්) : එක කෙරෝලක් අලවලා හිටං අනික් කෙරෝලත් අලෝගන්න. එකෙල්ලා කෙලිං කොරාම මේං මේ වාගේ පෙනෙයි.
දැං ඔය විස්සෙං දෙකක් දාගත්තා වගේ හිටියට එල්ලුවාම කෙලිං වෙනවා.

ඉස්ටෙප් සික්ස් ) :  දැං ඉතිං ඔය  මොක්ක හරි අමුණල කරල එල්ලන එකයි ඇත්තේ. පස්සේ අස්සට පාට ලැයිට් බලුබ් එකක් කාරිය දැම්මම තමා හරි ජාති. ආව් අප්පා... කෝමෙයි ඩීසොන් එකට ඉන්න උජාරුව.

මේ තියෙන්නේ තුං හුලස් සැට් තුනකට කෙලිං අතට කපාපු එකක් රතට රතේ දිලිස් දිලිසි.


මේ තියෙන්නේ තුන් හුලස් සැට් එකක් හරහට තීරු කපාපු එකක්. මං කිව්වේ ඔය කොල පාට එක.


ඔයි නිල් පාට එකත් සැට් තුනකට යි කැපුවේ. හැබැයි වැඩිය තදේට නමන් නැතුව.


හප්පේ කෝමෙයි අපූරුව. ලෝ කොස්ට්. වෙරි ඉකොනොමිකල්. පැය එක හමාරෙන් ගේම අහවරයි. දැං තමයි අමාරුම හරිය. වල් වෙච්චි ගේ පොඩ්ඩ අස් පස් කරන එක. ඒ රාජකාරියටත් අර ඉන්ටිබල් එකේ එකතු කර ගත්ත කාන්ඩෙන් කෙනෙක් සම්මාදං කරගත්තා නං සේප්.  ඉහල පොටෝ මනාව කොලිටියට නැතුවට සමාව. එඩිට් කොරේවත් නෑ ආයිබෝවන්ඩ. යහමිං බලන්ට ඕන නං පහලින් ඩිංගක් බර පොටෝ කෑලි දෙකක් දාන්නං.

එහෙනං ආයිබෝවං කිව්වා. මෙව්වා ඉපැරණි රහස් ක්‍රම පුතෝ. පිටකට එහෙම දෙනවා නෙමෙයි. තේරුනා නෙව. උඹලට දෙදසේ පන්සිය පනස් පස් පාරක්... ෂැක් වැරදුනා.... දෙදාස් හයසිය පාරක් බුදුසරණයි!!! අද උදේම “සදා සොත්ති“ කියලා ඇස් අම් ඇස් එකකුත් ලැබෙන්ට ඇතිනේ... ;-)

මේං අර ලාවට හයි කොලිට් දෙක. යහමින් බලන්ට ඕන්නං කොටන්ට...


ඔයි අටපට්ටම කොයින් කියලා හෙම අහනවා නෙමෙයි. :-) මහ කොරලා ලං වෙලා හොඳට බැළුවොත් ඇබෑර්තු එහෙමත් පේන්ට බැරි නෑ ගොයියෝ...! :-)

20 comments:

  1. පත්තර කොළේ වෙනුවට ලස්සන පාට තියන වෙන කොළයක් ගත්තනම් වැඩේ මරුවටම තියෙයි නේද :)

    ReplyDelete
  2. හහ් හහ් හහ් හහ්..
    මැක්සා ලියවිල්ල බං...
    "මහේල ඉන්න ඉංග්‍රීසි පත්තරයක්..."
    පිස්සු පීකුදු...!!
    මොනවා වුනත් වැඩේ මරු...
    [කතුරේ, පොල්මුඩ්ඩේ පවා පින්තූර දැමීමෙන් පාඨකයා අන්ත මට්ටමකට දමා ඇත..!!!]

    ReplyDelete
  3. හික් හික් මරු මරු පොසොන් එකට හදලා බලනවා :)

    ReplyDelete
  4. ලබන අවුදරුද්ද වෙන කම් බලලා හරි මහේල ඉන්න පත්තරයක් අරන් 2601 ට හදනවාමයි එකක්. නියමයි. දේශීය ආර්ථිකයට ගැලපෙනවා. තව එස් එම් එස් එන්න බැරි නෑ. බලාගෙන.

    ReplyDelete
  5. අඩොහ් උබ හිතුවද අපි පොල් මුඩ්ඩක්වත් දන්නේ නැති උන් කියලා :-D

    සිරා මචන් හොඳ වෙලාවට අද දැක්කේ දැන් ඉතින් වෙසක් කූඩූ හදන්නේ ආයි ලබන අවුරුද්දේ නේ

    ReplyDelete
  6. කොයින්ද බන් අර අටපට්ටම...????

    ReplyDelete
  7. ඇබැර්තුව දිටිමි ... ඇප්ලයි කොරන්නද :DDD

    ReplyDelete
  8. සුදු කොළවලින් හදලා පාට බල්බ් දැම්මනම් නියමට හිටියි පොසොන් එකට try එකක් දාල බලන්න ඕන

    ReplyDelete
  9. කූඩුවත් අ‍ගේය...
    පෝස්ට් එක ඊටත් අගේය...

    ජය !!!

    ReplyDelete
  10. මම තාම මහේල් ඉන්න පත්තර පිටු හොයනවා...පොසොන් එකට කලින්වත් හොයාගන්න ඕන..:පි

    ReplyDelete
  11. චෝයි....මැක්සා....පට්ට...නෑ බෑ පස්සේ බලමු කියන උන්ට මේවා හොද පාඩම්....තව තව ලියන්න ශක්තිය ධෛර්යය පතමි....

    ReplyDelete
  12. Frankly, this is very creative.

    ReplyDelete
  13. හලේ ඕක ටිකක් කලින් ලිව්වනම් අත කූඹි කයිද මං අහන්නේ...........
    නියමයි අයියා. කියන්න වචන නෑ.

    ReplyDelete
  14. යක්ස්සයියා දැන්ද දාන්නෙ මෙව්වා.
    ඇමරිකාව එදත් මෙක තමයි කරෙ.. පහුවෙලා ලොකෙට දැනුම දෙනවා... ඇමරි කානුවා.. කොහෙදි හරි හම්බවෙයිනෙ.... :D

    ReplyDelete
  15. අඩේ නියමයිනේ...! කාමරේ හරි එල්ල ගන්න මාත් ට්‍රයි කරන්න ඕනි...! ඉන්ට බෙල් එකක් ගන්න ‍තමයි ඉතිං බැරි වෙන්නේ.. අපි තේ ඉල්ලුවොත් කියයි "හදාගෙන බීපිය" කියලා..! :(

    ReplyDelete
  16. නියමයි.
    මටත් අර එස්.එම්.එස්. එකනං හම්බඋනා.

    ReplyDelete
  17. @පූසා
    හෝව් හෝව් එතකොට වෙරි ඉකොනොමිකල් වෙන්නේ නෑ

    @තිස්සයියා
    මොනාද කිව්වේ? පාඨකයා අමන්දානන්දයට පත්කර ඇත? හිකිස් ;-)

    @හසී
    අනිවා අනිවා

    @ඉෂාර
    දැන් ඉතිං මහේල ඉන්න පත්තර හොයන්න වෙන්නේ නෑ. දිල්සාං ඉන්න එකක් හොයපං ;-)

    @ම
    ඒක මචං විසේස පොල්මුඩ්ඩක්. හොඳ වෙලාවට නේන්නං! ;-)

    @ප්‍රියා
    තොපි එපා කියන එකමනේ කරන්නේ ;-)

    @වැපා
    උඹට හරියන ජොබ් එතන නැතුවාය

    @ඕල් ඉන් වන්
    ජය ජය

    @අන්සු
    එහෙයි

    @චතුරංග
    ඉස්තූතියි

    @පබලු
    දිල්සාං කොලුවා ඉන්න එකක් බලහං නඟෝ.
    උඹ එදා මේ හිටියා මේ නෑ. කොයි ගියේ?

    @හසියා
    චෝයි චෝයි

    @කතන්දර
    හප්පේ මෙතුවක් කලකට පළමු කතන්දරාගමනය. අප සැම ඔබව සාදරයෙන් පිලිගනිමු!
    ඉස්තූතියි :-)

    @හා පැටික්කී
    මේව්වා පුරාණ රහස්. ලේසියෙං එලියට දෙන්නේ නෑ

    @රවා
    ඔබාමා තමයි මටත් කිව්වේ ;-)

    @මලී
    හැක් හැක්. ඒකනේ කිව්වේ කොල්ලෙක් වෙලා ඉපදුනානං හරි :-)

    @කල්හාර
    ;-)

    @ප්‍රසන්න
    තව පෝයවල් තියේනේ. තව ඇස් එම් ඇස් එයි.

    ReplyDelete
  18. වසර ගණනාවකට පස්සෙ මාත් මේ වතාවෙ වාද්දුව දිහා වෙසක් කුඩු අලවල එල්ලුවනේ... ඒව නම් දීර්ඝ කාලයක් යනකල් වෙසක් එකට ගන්ට කම්බි‍ පාස්සලා හදාපු එව්ව.

    ReplyDelete