Thursday, April 2, 2009

ගලවපං මේ මාංචු…

handcuffed

එන්නේ නෑ දැන්
ඉස්සර වගේ
කවි සිතුවිලි
මගේ හිතට…
හිර කරලා අපිව,
දාලා මාංචු,
හිතන්න දෙන්නේ නෑ සැහැල්ලුවට,
වගකීම්,
යුතුකම්,
සල්ලි,
අනාගතේ,
මේ එක යතුරකින්වත්
මාංචු ලිහන්න බෑ…
එන්න එන්න හිරවෙනවා…
කෝ අපේ ලෝකේ?
ඒ දවස්වල තිබ්බ,
පාවෙන සැහැල්ලු ජීවිත,
ගංජා ගැහුවේ නෑ අපි,
ඒත් පාවුනා සැහැල්ලුවට,
දැනුනේ නෑ බරක්,
කවදාවත් හිත‍ට,
හිතෙන කොට කෑවා,
හිතෙන කොට බිව්වා,
හිතෙන කොට නෑවා,
හිතෙන කොට නිදා ගත්තා,
හිතෙන කොට නැඟිට්ටා,
හිතෙන කොට ගියා,
හිතෙන කොට ආවා,
ඒත් දැන්,
හැම එකටම වෙලාවක්,
කෝ තිබ්බ නිදහස?
කෝ තිබ්බ සැහැල්ලුව?
මේකද නවත්වය කියන්නේ?
ආසම හැමදේම නැතිවෙන එකද?
ඇයි ආපහු දුවන්න බැරි,
කොල්ලෝ රැලත් එක්ක පාර දිගට?
ඇයි ආපහු හිනා වෙන්න බැරි,
වට වෙලා සෙට් එකම එකට?
ඇයි ආපහු වැටෙන්න බැරි,
අම්මගේ තාත්තගේ තුරුලට,
ඇයි ආපහු අඬන්න බැරි,
දුකක් දැනුනම හිතට?
අපිව හිර කරලා, මාංචු දාලා,
කෝ තිබ්බ සැහැල්ලුව,
ඇයි දැන්ම මේක හිතුනේ?
පිස්සුවත් හැදීගෙන එනවද?
නැත්නම් පිස්සු හොඳවීගෙනවත් එනවද?
කෝ අපේ ලෝකේ?
මේ හිරවෙච්ච කූඩුවද?
ගලවපං මේ මාංචු…
ඇරපං මේ දොර…
යන්න ආයේ අපේ ලෝකෙට…

8 comments:

  1. ඔය ගාංචුව ගලවගත්තට තේරුමක් නෑ.. ආයේ හිර වෙනවා.

    ReplyDelete
  2. මා ලග යතුරක් නම් නැහැ, හැබැයි ටයි එකක් නම් තියෙන්ව!!

    ReplyDelete
  3. නොදරුවා-- හ්ම්...
    මලී-- ඒ මේ මාචුවේ හැටි
    චින්තක-- ඇයි ටයි එකක්...???

    ReplyDelete
  4. කෙහෙල්මල් සමාජෙට සදාචාරෙට බම්බු ගහගන්න කියල ඔන්න ඔය මාන්චු ටික ගලවල දාපන් මචෝ.. ;)

    ReplyDelete
  5. ගවේශණ-- ෆුල් ට්‍රයි කරා මචෝ... හරියන පාටක් නෑ...

    ReplyDelete
  6. katawa atta sahodaraya. api koitarak kagahuwat nidahsa illala jeewite eka kaleka eka nathiwenawamai.

    ReplyDelete
  7. ගිය හකුරට නාඩන්නේ තියෙන හකුර රෑක ගන්නේ

    ReplyDelete